ايمو

بسم الله الرحمن الرحيم
مقدمة البرنامج فوزية الصائغ
اليوم جبتلكم تطبيقات منوعه يارب تعجبكم ... وتفيدكم
واي سؤال عن اي تطبيق حياكم ...
اول تطبيق يفيد الي يحبو يتكلم فديو كثير ... ويغنيكم عن الفيس تايم الي في الايفون و محظور من شركات الاتصالات في المملكة وكمان حيستفيدو منو الي يستخدمو نظام الاندر ويد... واسم التطبيق
هو  ... ايمو
اضافه مهمه : التطبيق فيه محادثه كتابيه كمان مع الفديو وكمان خاصية ارسال صور...
البرنامج يتفعل باستخدام رقم الجوال
ثاني تطبيق ... الساوند كلاود ... مره بطل تلاقيه فيه مقاطع صوتيه في كل مجال موسيقى ... تطوير ... قران ... الخ ... استغلوه مدربين التنمية البشريه في انزال مقاطع تدريبيه او نصائح خاصه بيهم مررره جميل انصحكم بيه ...
يعني الي عندك في اللسته ويستخدمو البرنامج راح يطلعولك
هذا البرنامج للايفون
ثالث تطبيق برنامج لتصغير الصور واحد للايفون والثاني للاندرويد ... الكل يتضايق من ان الصور كبيره لمن نجي نحطها في بروفايلاتنا في الواتس او لمن نحطها في الانستغرام ... فهذي البرنامجين تصغر الصور للبرامج الي نبغاها بالمقاسات الي نبغاها استخدموها ...
اخر شي حبيت اشاركم موقع جميل لمعرفة اسما اصحاب  الارقام ... بدل التطبيقات الي كانت تنتهك خصوصيتنا زي الهوزكولنك والنمبر بوك ... الخ  ... جربوه مره بطل ...
لست بـ حاجة "النمبر بوك" بعد الآن ..
فقط افتح الرابط وضع رقم الجوال وستجد الاسم والعكس صحيح ..
http://t.co/DmuMnBqXoZ
كذا خلصت ... واتمنى افدتكم .. لكم كل الشكر ... لمتابعتي